الطيارة

فى صوت طيارة برة ... دايما ارتبط صوت الطيارة معايا بالأمل و التفاؤل
زمان ابى كان مسافر ... من و انا فى تانية حضانة و مرجعش غير 3 اجازات لحد ما دخلت اولى اعدادى
كنت باقعد اقول نفسى اشوفه و وحشنى و ... و ... و.... مامتى كانت تقولى كل ما نسمع صوت طيارة باباكى فيها ... كنت اجرى و اطلع البلكونة و اعمل باى باى و اقوله انت وحشتنى اوى .... و كل مره ميجيش بس الطيارة اللى تيجى بعدها و تقولى نفس الكلام اصدق و اطلع جرى اعمله باى باى ...

زمان

حاسة ان بقالى كتيييير اوى مكتبتش حاجة جديدة ...
حنين غريب لأيام زمان ... اللى كان أقصى مسئولية فيه انى ارجع البيت احضر شنطة تمرين السباحة
او ايام ما كنت بنام جنب ماما و بابا مسافر
أو ايام ما كنا نروح روكسى مخصوص عشان ناكل بيتزا!!
و ايام سينما طيبة ... و مسلسل ضمير ابله حكمت !!! و اغنية

كان فى فراشة صغننة .. لابسة بلوزة منقطة ...